Afrikaans

Kinderstorieboek – Voetspore in die Fynbos

Ek sien gereeld hoe ouers, oupas, oumas, onderwysers en meer soek na Afrikaanse kinderstories. Nie net sommer enige stories nie, maar stories wat oorspronklik is en uniek is aan ons Suid Afrikaanse kultuur en landskap.

Voetspore in die Fynbos is só ʼn storie, maar dit is ook veel meer as dit. Dit is ʼn 3-in-1 boek, propvol feite en aktiwiteite en ʼn lekker-lees storie met kleurvolle illustrasies.

Ek het al laasjaar geskryf oor die Engelse uitgawe van die boek, maar die Afrikaanse weergawe was terselfdertyd vrygestel en ek vertel graag ietsie meer oor die boek.

Die boek is geskryf in samewerking met die Cape Leopard Trust en Suid-Afrikaanse illustreerder, Judy Maré. Dit is ʼn 68-bladsye boek. Dit bestaan uit die storie van Leeto die luiperd se soeke na ʼn maat, ʼn 12 bladsy feite afdeling saamgestel deur die navorsers by die Cape Leopard Trust en ʼn heerlike 16-bladsye aktiwiteitsafdeling. Die boek is gemik op ouderdomme 6-12, maar word geniet deur alle ouderdomme. Dit is die perfekte tuisleesboek, klaskamer hulpbron en langvakansie besighou-boek.

Dit was heerlik om die storie te skryf oor Leeto die luiperd. Ek kon myself verbeel hoe hy grasieus deur die Kaapse fynbos stap, tipies kat en het my ingeleef in die storie met diere karakters wat hy ontmoet op sy pad. Diere soos Spyker die Ystervark, Rita die Rooikat en Katrien die Kaapse Kobra sorg vir hope vermaak en hou die lesers op hul tone.

Luiperds is ikoniese diere vir ons Suid Afrikaners en dikwels op ons lysie van moet-sien diere wanneer ons Nasionale Parke besoek. Hulle is soms ontwykend en baie geheimsinnig en dis geen wonder dat ʼn groot deel van die Cape Leopard Trust se navorsing staatmaak op die gebruik van bewegingsgeaktiveerde veldkameras nie. Gaan kyk gerus op hul webblad vir meer inligting oor hul werk of om uit te vind hoe jy betrokke kan raak by die bewaring van luiperde. The Cape Leopard Trust.

Die boek is beskikbaar by die volgende aanlyn winkels:

Graffiti Boeke

Wild books

2 replies »

  1. I will be very interested in the English version. Might get the Afrikaans version for me but grands will need english. So glad you have written another book.

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.