Storieboek vir kinders: Ons gaan Krugerwildtuin toe

Die Afrikaanse weergawe van my storieboek is nou beskikbaar!

Ek het so rukkie gelede geskryf oor die Engelse storieboek wat ek gepubliseer het, We are going to Kruger National Park

Ek het ‘n enorme hoeveelheid navrae gekry om die boekie ook in Afrikaans uit te gee. Ek vertel graag so ietsie oor die storie en die hart van hierdie boekie.

Ek is ongelooflik lief vir die natuur en vir die wildtuin, wat jy dalk al sal weet as jy my blog volg. Ek het ook ‘n 2-jarige dogtertjie by wie ek graag dieselfde liefde vir die natuur wil kweek en ook ‘n passie vir die bewaring daarvan.

Ek het oral gesoek vir ‘n kinderstorie boekie wat lyk soos my geliefde Krugerwildtuin. Die tipe boekies het diere ingehad, bome, voertuie en plekke maar nie een van hulle het gelyk soos die wildtuin nie. Nie een van hulle het die klein tradisies en bakens wat ons aan die wildtuin laat dink, vasgevang nie. Ek het besluit om my eie storieboek vir kinders uit te gee, met prentjies wat mens sommer dadelik aan die wildtuin herinner.

Dit is ‘n storie oor ‘n gesin wat wildtuin toe gaan. Dit sluit die pak en die reis na die wildtuin in, want dit is vir baie van ons ‘n groot deel van die opwinding. Die storie sluit ook boodskappe oor natuurbewaring en die ekosisteem in.

Die illustrasies is gedoen deur die bekroonde illustreerder Alex van Houwelingen.

Die boekie is perfek vir ouderdomme 3-8. Dit is ‘n sagteband prenteboekie en dit verkoop teen *R120 ‘n boekie.

Kyk gerus ook hier, waar ek lekker gekuier het by die Groot Ontbyt om te gesels oor die boekie!

Vir bestellings of verkope, kontak my by lizambooks@gmail.com

Ek sluit ‘n lys van verskaffers in by die skrywe.

Verskaffers:

Graffiti Boekwinkel Pretoria
Outdoor Photo Pretoria

Takealot

Die Rooi Deur Pretoria

Constantia Kersie Padstal

Amazon.com

Office National Kokstad

Bibliophile Bookshop, Clarens

*Prys onderhewig aan verandering

  2 comments for “Storieboek vir kinders: Ons gaan Krugerwildtuin toe

  1. Una
    September 23, 2019 at 2:40 pm

    Wonderlik, ek sal beslis daarvoor uitkyk, Liza.

    Liked by 1 person

Leave a Reply to Una Cancel reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: