Country Living in Southern Africa

*To read the English Recipe, just scroll down 🙂

Ek is alewig besig met ‘n suurdeegbroodjie en wou nou al baie lank probeer om anysbeskuit te bak. Beskuit is altyd lekker vir enige vakansie, maar veral ‘n wildtuin vakansie. ‘n Vroegoggend beskuit met koffie en tee, ‘n wildsrit en daarna, ‘n lekker bosontbyt. Dit is ook sommer net ‘n lekker beskuit om in die huis te hê. Ek het skaars tyd gekry om die beskuite te droog, want hulle is heerlik as hulle sag uit die oond uit kom. Die eerste twee baksels is verorber voor dit gedroog is.

Ek het ‘n bietjie gesukkel om anys in die hande te kry, maar my skoonsus het op die ou end gevind en vir my gepos en ek het ‘n Kook-en-Geniet resep aangepas om hierdie beskuit te bak. Met die hulp van my vriendin Ané, Suster Suurdeeg is die resep ‘n hele paar keer getoets. Laat weet gerus in die kommentaar as jy enige oulike anysbeskuitwenke het om te deel. Het jy nog nie ‘n suurdeegkultuur nie en wil jy graag een maak, lees gerus hier Creating an easy sourdough starter from scratch en volg Suster Suurdeeg vir Afrikaanse suurdeegraad en resepte.

Bestandele:

• 350ml water (of meer indien nodig afhangende van jou suurdeegkultuur se hidrasie)
• 1 kg koekmeelblom
• 150 gram gesmelte botter of margarien of olie (of jou keuse van vet)
• 200ml suiker
• 6-10ml anyssaad
• 250 ml suurdeeg kultuur (*sien nota onder oor hoe om te bak met kitsgis)
• Sout na smaak

*Om hierdie resep met kitsgis te bak, vervang die suurdeegkultuur ‘n pakkie kitsgis en 125 ml water. Kitsgis rys meestal vinniger as suurdeegkultuur, so hou ‘n ogie oor jou deeg sodat jy kan sien wanneer dit verdubbel.

Metode:

Meng als saam en knie tot ‘n elastiese deeg. As dit effens te droog is, voeg bietjies-bietjies water by totdat dit maklik ‘n bol vorm. Bedek die deeg met kleefplastiek en laat staan die dit om te verdubbel. (Die tyd wat dit neem om te verdubbel kan enigiets van ‘n paar ure tot oornag neem en is temperatuur afhanklik. In die winter kan dit baie lank vat om te verdubbel.)

Sonder om die deeg af te knie, breek stukkies af en vorm bolletjies van die deeg. Pak hulle teen mekaar in ‘n broodpan. My broodpan is 33cm x 11.5 cm en 7.5cm hoog.

Bedek en laat rys tot hul in grootte verdubbel het. Dit het by my elke keer ongeveer ‘n uur geneem. Bak teen 180 grade Celcius vir ‘n uur.

Opsioneel, wanneer jy die warm beskuit uithaal kan jy dit ‘verf’ met ‘n mengsel van heuning (1 eetlepel) en melk(2 eetlepels) om dit ‘n soet blink lagie te gee.

Laat dit afkoel vir 5 of meer minute en haal dit dan versigtig as ‘n geheel uit die broodpan. Jy kan nou jou stukke beskuit afbreek. Indien jy verkies kan jy dit laat oonddroog of geniet dit eers sag en vars vir ‘n dag of drie en droog dit wat oorbly.

Enige vrae? Vra gerus in die kommentaar.

Sourdough Aniseed Rusks

Ingredients:

• 350ml water (or more, depending on how hydrated your sourdough starter is)
• 1kg Cake wheat flour
• 150gram of butter/margerine/oil (or the fat of your choice)
• 200 ml sugar
• 6-10 ml aniseed
• 250 ml sourdough starter OR instant yeast with an extra 125 ml of water

Mix everything together to form a firm elastic ball. If it looks too dry, you can add little bits of water until it kneads into a proper ball. Cover and set aside to rise and double in size. (This could be a couple of hours or even over night and is influenced by factors like temperature or how active your culture is)

When it has doubled, break of pieces and shape them into balls. Pack the balls in a breadpan. (My breadpan is 33cm x 11.5cm with a height of 7.5cm.) Cover the breadpan and set aside to double in size. This took more or less an hour in my house. Bake in a pre-heated oven at 180 degrees celcius for one hour.

Optional: Glaze the rusks while the loaf is still piping hot with a mixture of honey (1 tablespoon) and milk (two tablespoons).

Let the loaf cool for five minutes and carefully take the whole loaf out of the breadpan. Enjoy the rusks soft or oven dry them at a low temperature. In my house the first two batches got devoured before I had a chance to dry them.

Let me know in the comments if you baked it or have any questions.